जीवनाचे नाटक

पृथ्वीच्या या रंगमंचावर
जीवनाचे नाटक चालते
सृष्टी ची असते लायटींग
नशिबाचे पोस्टर चढते

येथे मिळतो विनामूल्य प्रवेश
वशिल्यासाठी तडजोड नसते
ठराविक काळाचा असतो प्रयोग
ब्रेक घेण्याची गरजच नसते

जीवनाच्या या नाटकामध्ये
प्रत्येक जण  काम करत असतो
कधी प्रसंगी गंभीर होतो तर,
कधी आनंदाने हसतो

भगवंत असतो दिग्दर्शक येथील
निवड त्याचा  हातात असते
त्यांनी ठरवलेले प्रयोग च चालतात
माणसाच्या आवडीचे महत्त्व नसते

असे हे पृथ्वीच्या रंगमंचावर जीवनाचे नाटक चालते
सृष्टी ची असते लायटींग नशिबाचे पोस्टर चढते .