Mrugesh Pisal

तुझ्या माझ्या प्रेमाचं प्रिये,
गणित थोडं वेगळ असावं..
गंध होऊन वाऱ्याचा,
तू श्वासांत माझ्या मिसळावं
अन् सहवासात तुझ्या प्रिये,
मि श्वास घ्यायलाच विसरावं..
तुझ्या माझ्या प्रेमाचं प्रिये,
गणित थोडं वेगळ असावं..
पाहताना डोळ्यात तुझ्या,
मि मलाच शोधावं
अन् बोलायचं असलं खूप तरी,
डोळ्यांनीच
मि तुझ्याशी बोलावं..
तुझ्या माझ्या प्रेमाचं प्रिये,
गणित थोडं वेगळ असावं..
भरभरून करतांना प्रेम,
कधी माझ्यावर तू रुसाव
अन् मि घेतल्यावर मिठीत,
खूप गोड तू हसावं..
तुझ्या माझ्या प्रेमाचं प्रिये,
गणित थोडं वेगळ असावं..
मिठीत तुझ्या असतांना,
वेळेनही थोडं थांबावं..
अन् शक्य नसल या आयुष्यात तरी,
जन्मात पुढच्या हेच घडाव..
तुझ्या माझ्या प्रेमाचं प्रिये,
गणितच थोडं वेगळ असावं.